Ríkislögreglustjóri hefur gert samning við SKOTVÍS um að félagið haldi utan um skotvopnanámskeið. Jafnframt hafa SKOTVÍS og UST gert samkomulag um að samnýta innskráningar-og prófakerfi núna í haust.
Námskeiðið er kennt í vefskóla og allt námsefni er því að finna á netinu ásamt æfingaprófum.
Ferlið:
Þátttakendur skrá sig hjá Lögreglunni til að fá samþykki til að fara á námskeið. Það er gert á island.is.
Í beinu framhaldi af því þarf að skrá sig á gogn.ust.is inn á innskráningar og prófasíðu UST og velja skotvopnanámskeið.
Allar upplýsingar birtast síðan þar, skráning í verklegt og próf ásamt niðurstöðum úr prófi.
Námið fer fram í Skotveiðiskóla SKOTVÍS og kostar 34.500- .
Lagt er inn á reikning SKOTVÍS 0516-04-763201 kennitala SKOTVÍS 620379-0269.
Stuttu seinna færðu sendan aðgang í tölvupósti.
Innifalið í gjaldinu er námsefni og æfingapróf, verklegt á skotvelli og prófagjald.
Einnig eitt upptökupróf en eftir það þarf að greiða 7.500- fyrir hvert próf.
Athugið að ekki má eignast eða nota skotvopn nema að fengnu skotvopnaleyfi. Jafnframt má enginn fara á veiðar nema hafa gilt skotvopnaleyfi og hafa meðferðis gilt veiðikort.
