Öryggi á rjúpnaveiðum frá Safe Travel

Skotveiði er útivist þar sem huga þarf að réttum búnaði og öryggisatriðum, auk þess að sýna ábyrga hegðun vegna skotvopna og ganga vel um landið. Veiðimenn þurfa að kynna sér vel þau svæði sem þeir ætla að fara á, fylgjast vel með veðurspá og og jafnframt athuga hvernig aðstæður, færð og veður hefur verið undanfarna daga.

Athugið að snjóflóðahætta leynist víða til fjalla og langflest snjóflóð fara af stað af manna völdum, þ.e.a.s. fólk á göngu eða skíðum setur þau af stað og lendir oftast sjálft í flóðinu.

Hafa skal eftirfarandi alltaf í huga:

  • Kannaðu vel aðstæður á veiðisvæðinu og fylgstu með veðurspá.
  • Á veturna til fjalla er oft snjóflóðahætta. Haltu þig við flatari svæði.
  • Farðu aldrei einn til veiða og sýndu aðgát ef margir eru við veiðar á svæðinu.
  • Vertu með kort, áttavita og GPS tæki (nóg af auka rafhlöðum) og vertu viss um að þú kunnir að nota það.
  • Vertu með 112 Iceland appið í símanum þínum.
  • Vertu rétt klæddur, nýttu þér útbúnaðarlista og vertu með aukafatnað og nesti sem dugar þér allavega 24 klst lengur en þú ætlar að vera. Lagskiptur fatnaður getur skipt sköpum.
  • Skildu eftir ferðaáætlun hjá einhverjum sem brugðist við ef á þarf að halda t.d. hér á Safetravel.is
  • Vertu með réttan öryggisbúnað s.s. síma (ásamt hleðslubanka fyrir hann eða auka rafhlöðu), neyðarblys, sjúkratösku og annað sem þarf.
  • Veiðitímabilið er takmarkað. Láttu ekki áhuga eða þrýsting ýta þér út í veður eða aðstæður sem gætu skapað þér hættu eingöngu vegna þess að tímabilið er stutt eða því er að ljúka.
  • Kynntu þér siðareglur skotveiðimanna og umgengni um skotvopn t.d. á heimasíðu Skotvís

Categories: Fréttir

Social media & sharing icons powered by UltimatelySocial